Driver
Para gañar distancia nos lanzamentos longos. Ten o bordo máis afiado.
Disc golf 101
Como o golf.
Pero con discos.
O obxectivo é sinxelo: completar cada burato co menor número de lanzamentos. Comeza no tee e remata ao encestar na cesta.
Unha rolda, paso a paso
Do primeiro lanzamento á cesta.
- 01
Lanza desde o tee
Cada burato comeza nunha zona de saída. Escolle un disco e lanza cara á cesta.
- 02
Continúa desde onde cae
Marca a posición do disco. O seguinte lanzamento faise xusto detrás dese punto.
- 03
Respecta a quenda
Xoga primeiro quen está máis lonxe da cesta. O resto agarda sempre por detrás.
- 04
Encestra e suma
O burato remata cando o disco queda suxeito polas cadeas ou no cesto. Cada lanzamento conta un punto.
Regras esenciais
O necesario para xogar ben.
Non cómpre memorizar todo un regulamento para gozar dunha primeira rolda. Estas son as situacións que atoparás no campo.
01 Quenda e puntuación
No primeiro burato acórdase a quenda. Despois, sae primeiro quen fixo menos lanzamentos no burato anterior. Durante o burato lanza quen estea máis lonxe da cesta. Gaña quen completa a rolda con menos lanzamentos e penalizacións.
02 A túa posición de lanzamento
Ao soltar o disco, apoia un pé xusto detrás da marca. Fóra do círculo de 10 metros podes continuar o movemento cara adiante; dentro, debes manter o equilibrio detrás da marca.
03 Mando obrigatorio
Un mando obriga a que o disco pase polo lado indicado dunha árbore, poste ou outro punto. Se fallas, suma unha penalización e xoga desde a zona marcada como DZ ou segundo indique o cartel.
04 Fóra de límites (OB)
Se o disco queda completamente fóra da zona válida, suma unha penalización. Continúa desde o punto polo que saíu, con ata un metro de alivio cara dentro.
A túa primeira bolsa
Tres discos. Tres funcións.
Mid-range
Equilibrio entre distancia e control. Unha gran elección para comezar.
Putter
Estable e preciso para achegarse e encestar desde curta distancia.